Po vazhdojnë qëllimet tendencioze të shtetit serb.

Ministri i Jashtëm i Serbisë, Ivica Daçiq ka njoftuar se do të organizojë serbët që jetojnë në Shtetet e Bashkuara të Amerikës të votojnë Donald Trump për president.

Sipas telegrafit serb, kjo është pjesë e fushatës së Daçiqit anti-Kosovë, ku tentohet të promovohet pikëpamja serbe për Kosovën.

“Serbia tani është në një pozitë shumë më të mirë sesa ishte në të kaluarën. Tani, ekziston një vullnet në Uashington për të dëgjuar pikëpamjet tona. Megjithatë, kjo nuk do të thotë që ne do të ndalemi këtu, por do të intensifikojmë përpjekjet tona për të forcuar pozicionin, për të rritur numrin e projektuesve që kemi në Amerikë, me sa më shumë senatorë dhe kongresmenë, njerëz në poste drejtuese, sa të jetë e mundur me ne, “thekson Daçiq.

Sipas tij, Amerika po hyn në një vit zgjedhor dhe kjo është një mundësi që Serbia duhet ta shfrytëzojë.

“Konkretisht, si ministër i jashtëm, unë do të aranzhoj të zyrtarizoj mbështetjen për Trump në zgjedhjet e ardhshme. Serbët në Amerikë e votojnë Trumpin sidoqoftë”, tha Daçiq.

Daçiq është shprehur se Trump ka dëgjuar pikëpamjet dhe qëndrimet e Serbisë në raport me Kosovën njëlloj siç ka bërë edhe i gjithë kabineti i presidentit të SHBA-ve.

Sipas asaj që shkruhet në të përditshmen serbe, Telegraf.rs, ka rreth 650,000 serbë që jetojnë në SHBA.

Pjesa tjetër e planit të Serbisë është mbështetja e kongresmenit amerikan Steve Stivers pasi ai ka luajtur rol aktiv për lobimin për interesat serbe.

Komento:

	Komenti