Dalin pamjet e rusit që u bë për spital në aksionin e djeshëm të policisë në Veri

11:19 | 29 Maj 2019

Policia e Kosovës ka zhvilluar një aksion të madh dje në veri të Kosovës, ku ka prangosur disa persona. Në mesin e të prangosurve ishte edhe shtetasi rus, Mihael Krasneoschenko.

Ministria e Drejtësisë njoftoi se prangosja e tij është bërë për arsye se ai kishte vendosur veturën e tij si barrikadë në mënyrë që të mos kalonte policia në pjesën veriore të vendit.

Lirimin e shtetasit rus i punësuar në UNMIK, gjatë ditës së djeshme e kishte kërkuar edhe UNMIK si dhe Ministria e Jashtme e Rusisë.

Pas disa orësh ai u lirua, megjithatë u raportua se kishte marrë disa plagë dhe po trajtohej në spitalin e Mitrovicës.

Gjatë ditës së sotme nga mediat serbe janë publikuar pamje të reja gjatë qëndrimit të tij në spital.

Megjithatë ai nuk ka pranuar të flasë për rolin e tij në aksionin e djeshëm, duke thënë se nuk mund ta bëjë këtë pa lejen e UNMIK-ut.

Komento: