Kevin de Bruyne ka thënë se do të shikojë në detaje se çfarë lloj lëndimi ka në muskul, ndërsa Manchester City është në pritje të rezultateve.

Por, lëndimi që ai e mori në ndeshjen finale të Ligës së Kampionëve kundër Interit mund ta lërë jashtë fushës deri në tre muaj.

“Nuk e di për sa kohë do të mungoj. Nuk e di se si është plani. Por do të bëj teste më të thella mjekësore këtë javë. Nuk do të jem te Belgjika, këtë e di. Nuk është gjë e mirë, sepse do ta luaja ndeshjen e 100-të, por kjo është situata”, theksoi De Bruyne pas ndeshjes.

“Unë ndihesha mirë para fillimit të ndeshjes dhe në gjithë javën, por kam thënë se në dy muajt e fundit kam qenë i rrezikuar. Kam humbur disa ndeshje, por i kam menaxhuar mirë ato kundër Arsenalit, Bayern Munichut dhe Real Madridit. Kam dhënë gjithçka për ekipin tim dhe njerëzit në klub e dinë këtë. Ndihem krenar që ia arritëm qëllimit, ta fitojmë Ligën e Kampionëve”, është shprehur De Bruyne.

31-vjeçari zhvilloi 49 ndeshje në të gjitha garat në edicionin e fundit. Shënoi dhjetë gola dhe dhuroi 31 asistime.

Komento:

	Komenti