Charles De Ketelaere është vetëm një hap larg bashkimit me AC Milan, me ardhjen e tij në Itali të planifikuar për nesër. Në fakt, raportet janë shfaqur tashmë për numrin e fanellës që do të mbajë lojtari.

Nga të ashtuquajturit numra “klasikë”, nuk ka shumë të disponueshëm.

Samu Castillejo së fundmi u largua nga klubi dhe kështu vuri në dispozicion fanellën nr.7, por Yacine Adli e shfrytëzoi këtë mundësi.

Prandaj, De Ketelaere ka zgjedhur një zgjidhje tjetër, përcjell ORAinfo.

Sipas MilanNews, playmaker duhet të veshë fanellën numrin 90 te Milani ashtu si në Club Brugge.

De Ketelaere do t’i nënshtrohet testeve mjekësore nesër ose të hënën, i cili pritet të jetë në dispozicion të Stefano Piolit tashmë të martën.

Kështu ai mund të marrë pjesë në miqësoren e fundit parasezonale të Milanit, kundër Vicenza-s më 6 gusht. /ORAinfo/

Komento:

	Komenti