Deçan, gjendet një person pa shenja jete – Ora Info Ballina | ORAinfo.com - Nuk ndalet

Deçan, gjendet një person pa shenja jete

16:32 | 25 Dhjetor 2019

Edhe një person tjetër pa shenja jete është gjendur në Deçan.

Pasditen e sotme, në Deçan është gjetur i vdekur një 47-vjeçar. Policia e ka konfirmuar se viktima është qëlluar me armë zjarri, raporton Gazeta Express

Lajmin për Express e ka konfirmuar zëdhënësi i policisë për rajonin e Pejës, Xhevat Ibraj.

“Mund të ju konfirmojmë se rreth orës 15:20 policia e rajonit të Pejës ka marrë informatën se në Deçan, brenda një banese një person është gjetur i vdekur nga arma e zjarrit. Ekipet e policisë bashkë me ekipet tjera janë në vendin e ngjarjes duke u munduar ta zbardhin rastin. Vdekjen e kanë konstatuar mjekët në vendin e ngjarjes”, ka thënë Ibraj.

Ndërkaq Express mëson se bëhet fjalë për Q.B., 47-vjeçar,i cili dyshohet se ka bërë vetëvrasje

Komento: