Deklarata e papritur e Konjufcës: Molliqaj bëri plane që përmes meje ta rrëzoj politikisht Albin Kurtin – Ora Info Ballina | ORAinfo.com - Nuk ndalet

Deklarata e papritur e Konjufcës: Molliqaj bëri plane që përmes meje ta rrëzoj politikisht Albin Kurtin

21:13 | 08 Shkurt 2019

Konjucfa ka refuzuar përballjen më Molliqajn në një debat televiziv

Shefi i Grupit Parlamentar të Lëvizjes Vetëvendosje, Glauk Konjufca ka thënë se qëllimi i Dardan Molliqajt ishte që përmes tij ta rrëzontepolitikisht Albin Kurti.

Konjufca, në “Debat Plus”, ka thënë se Molliqaj me metoda të SHIK-ut është munduar të rrëzonte politikisht Albin Kurtin.

“Molliqaj ka dashur të krijoj një lloj situate, që përmes një grupi në Vetëvendosje, këta që tashmë janë larguar, ka dashur ta prishë relacionin mes meje dhe Albin Kurtit”.

Shefi i Grupit Parlamentar të Lëvizjes Vetëvendosje ka thënë se është tentuar që ai të propozohet si kandidat për kryetar të Vetëvendosjes, duke eliminuar kandidaturën e Albin Kurtit.

“Duke më propozuar mua si drejtues të Vetëvendosjes, të rrëzonte Albin Kurti përmes meje. Molliqaj ka folur me njerëz të tjerë në Vetëvendosje, pa më treguar mua fare…Kjo nuk u ka dhez te unë, sepse unë kam kuptuar planin e tyre”, tha ai, përcjell Telegrafi.

Konjufca thotë se ai në asnjë mënyrë nuk është pajtuar që dikush të rrëzonte nga gara për kryetar të Vetëvendosjes.

“Unë u kam prezantuar planin tim, por u kam thënë se Albin Kurti ka të drejt të kandidojë për kryetar të Vetëvendosjes. Nuk kemi mundur të bëjmë shaka dhe t’i mohojmë dikujt kandidaturën për kryetar”.

Ai ka refuzuar përballjen më Molliqajn në një debat televiziv, pasi sipas tij tashmë kjo punë i takon drejtësisë dhe se ata do të përballen vetëm në gjykatë

Komento: