Kryeministri i Kosovës Albin Kurti po përballet me një reagim ndërkombëtar pasi Departamenti i Shtetit dënon veprimet e pakoordinuara në Mitrovicën e Veriut, të cilat shkaktuan tensione në rajon, raporton sot Pavlovic Today, transmeton FrontOnline.
Në një zhvillim të fundit, Departamenti i Shtetit lëshoi një qortim të ashpër ndaj kryeministrit të Kosovës Albin Kurti për ato që ata i konsiderojnë “veprime të pakoordinuara në Mitrovicën veriore”.
Veprimet e fundit, pretendojnë ata, janë në kundërshtim me kërkesat e tyre për të shmangur përshkallëzimin e tensioneve në rajonin e paqëndrueshëm.
Zëdhënësi i Departamentit të Shtetit tha sot në një intervistë për Pavlovic Today se veprimet e fundit në Mitrovicën e Veriut nuk ishin të koordinuara me Bashkësinë ndërkombëtare.
“Ne jemi të vetëdijshëm se pushteti komunal i Mitrovicës së Veriut ka marrë vendim që të kërkojë nga punonjësit e disa zyrave të qeverisë së Serbisë që të largohen nga objekti ku kanë punuar. Këto veprime, të cilat nuk janë të koordinuara me bashkësinë ndërkombëtare, i konsiderojmë si të papajtueshme me kërkesat tona për të shmangur veprimet që mund të përshkallëzojnë tensionet ose të perceptohen si të përshkallëzuara”, tha zëdhënësja e Departamentit të Shtetit, transmeton FrontOnline.
Administrata e Bidenit vazhdimisht i ka bërë thirrje Kosovës, përfshirë kryetarët e saj në komunat veriore, të përmbahen nga ndërmarrja e çfarëdo veprimi që mund të rrisë tensionet ose të shihet si provokuese.
Departamenti i Shtetit theksoi se këto veprime të autoriteteve të Kosovës nuk janë të koordinuara me bashkësinë ndërkombëtare dhe janë në kundërshtim me kërkesat e tyre specifike për të parandaluar përshkallëzimin.
Departamenti i Shtetit vazhdon të theksojë rëndësinë e dialogut diplomatik në zgjidhjen e mosmarrëveshjeve ndërmjet Beogradit dhe Prishtinës përmes dialogut të ndërmjetësuar nga BE./FrontOnline/