Seancë të jashtëzakonshme për kazinotë dhe lojërat e fatit.

Tri humbje jetëshndodhën brenda pak ditësh në Kosovë. Dy nga to u kryen në kazino, teksa të vdekur mbetën punonjësit.
Dje në Kryesinë e Kuvendit të Kosovës është dërguar kërkesë për seancë të jashtëzakonshme, ku është kërkuar mbyllja e kazinove, raporton lajmi net.

Sipas një njoftimi për media nga Kuvendi thuhet se “Të premten, më 22. 03. 2019, do të mblidhet Kryesia e Kuvendit të Republikës së Kosovës, për të shqyrtuar kërkesën e 49 deputetëve për seancë të jashtëzakonshme.”

Sipas njoftimit, deputetët nënshkrues kanë kërkuar që Kuvendi të miratojë rezolutë lidhur me pezullimin e aktivitetit të kazinove dhe lojërave të fatit, si dhe plotësim-ndryshimin e ligjit ekzistues.

Pas mbledhjes së Kryesisë, në orën 11:00, Kuvendi pritet të mblidhet në seancë të jashtëzakonshme, për të diskutuar lidhur me kërkesën e deputetëve nënshkrues.

Tri humbje jetësh ndodhën brenda pak ditësh në Kosovë. Dy nga to u kryen në kazino, teksa të vdekur mbetën punonjësit.

Rasti i fundit ndodhi mbrëmë në Lipjan ku një i ri humbi jetën pasi u qëllua nga një person.
Kjo ka bërë që shefi i Grupit Parlamentar të LDK-së, Avdullah Hoti, ka kërkuar që Kuvendi i Kosovës t’i shpallë të jashtëligjshme të gjitha kazinotë dhe lojërat e fatit.

Komento:

	Komenti