Deputeti i LDK-së thotë se Gjykata Speciale do ta çlirojë shoqërinë kosovare – Ora Info Ballina | ORAinfo.com - Nuk ndalet

Deputeti i LDK-së thotë se Gjykata Speciale do ta çlirojë shoqërinë kosovare

23:55 | 13 Dhjetor 2018

Deputeti i LDK-së, Armend Zemaj ka thënë se Gjykata Speciale do ta çlirojë shoqërinë kosovare.

Zemaj, ka folur rreth Gjykatës Speciale dhe ftesave të para të dërguara nga ajo për marrjen në pyetje të ish-pjesëtarëve të Ushtrisë Çlirimtare të Kosovës.

Zemaj ka thënë në emisionin “DPT Te Fidani”, në televizionin T7, se “çdokush që i ka duart e përlyera me krim, me gjak, duhet ta marrë përgjigjen e ligjit dhe të Zotit”.

Sipas Zemajt, Gjykata Speciale do të sjellë “çlirim të shoqërisë kosovare”.

Ai i ka cilësuar si “fjalë të ulëta” deklaratat e kundërshtarëve të LDK’së se partia e tij do t’i gëzohet arrestimeve që do t’i bëjë Gjykata Speciale.

Deputeti i LDK’së ka mohuar se ka informacione për aktakuza të mundshme nga Gjykata Speciale për rastin e vrasjes së kolonelit Tahir Zemaj.

Ai po ashtu ka hedhur poshtë mundësinë që ndonjë individ i afërt me LDK’në të jetë i përfshirë në vrasjet e ish-figurave të partisë.

Komento: