Deputetja e VV-së ndan gjysmën e pagës për familjen e gruas që vdiq nga koronavirusi në Istog – Ora Info Ballina | ORAinfo.com - Nuk ndalet

Deputetja e VV-së ndan gjysmën e pagës për familjen e gruas që vdiq nga koronavirusi në Istog

21:05 | 17 Prill 2020

Deputetja e VV-së e ka ndarë gjysmën e pagës për familjen e gruas që vdiq nga koronavirusi në Istog.

Deputetja e Kuvendit të Kosovës nga radhët e LVV-së, Fatmire Mulhaxha-Kollçaku, ka bërë të ditur se një pjesë të pagës së saj do ta dhurojë për familjen e S. K. nga Lluga e Istogut e cila ndërroi jetë si pasojë e koronavirusit.

“Duke mbështetur nismën e Kryeministrit për solidaritet me kontribut financiar në luftimin e COVID-19 dhe duke qenë thellësisht e prekur me vdekjen si pasojë e sëmundjes së S. K, nga Lluga e Istogut, që la pas vete dy fëmijë pa përkujdesje prindërore”.

“Një pjesë e kontributit tim financiar i dedikohet kësaj familje, si dhe me këtë rast ftoj të gjithë ata që kanë mundësi që me kontributin e tyre sado modest, të zbusim pak dhembjen e fëmijëve që për momentin janë në vetizolim”, ka shkruar Mulhaxha-Kollçaku në rrjetin social Facebook.

Komento: