Shpjegimi i Deschamps për zëvendësimin e Giroud dhe Dembele në pjesën e parë të finales.

Didier Deschamps ka shpjeguar vendimin e tij befasues për të zëvendësuar dy futbollistë që në pjesën e parë të finales së Kupës së Botës “Katar 2022”, që u zhvillua të dielën.

Franca në finale u përball me Argjentinën, me këtë të fundit që triumfoi pas ekzekutimit të penalltive, transmeton Gazeta Express.

Giroud dhe Dembele u larguan nga loja në minutën e 41-të, pasi Deschamps vendosi t’i zëvendësojë me Thuram dhe Kolo Muani.

“Po të kishim humbur 3-0, nuk mund të ankoheshim. Nuk bëmë gjërat e duhura për një orë, por më pas me shumë guxim, energji dhe cilësi e çuam Argjentinën në limite”, tha përzgjedhësi francez.
0
“Nëse i kam bërë ato ndryshime aq herët, është sepse nuk isha i kënaqur dhe u ndjeva i bindur se mund të bënim më mirë”, shpjegoi ai.

“Kjo nuk do të thotë se lojtarët që u larguan ishin më fajtorë se të tjerët”, deklaroi Deschamps.

Komento:

	Komenti