Kreu i LDK-së, Lumir Abdixhiku ka thënë se nga gjithsej 80 mijë të regjistruar në diasporë, nga të gjitha etnitë, duke iu referuar raportimeve të degëve të LDK-së, 30 mijë janë mbështetës të LDK-së.

Kandidati për kryeministër i LDK-së falënderoi mërgatën për “regjistrimin masiv të mbështetësve.”

Abdixhiku bëri thirrje që numri të shkojë në “40 mijë”.

Postimi i plotë:

30,000 zemra për Mërgatën! 💜🤍

Ju faleminderit për regjistrimin masiv të mbështetësve tanë! Nga gjithsej 80 mijë të regjistruar, nga të gjitha etnitë, sipas raportimeve të degëve tona, 30 mijë janë mbështetës tanë.

Kujtoj se në zgjedhjet e 14 shkurtit, LDK i kishte vetëm 4,294 vota nga Mërgata! Ky kapërcim i madh është thirrje e kushtrim i fitores!

Janë dhe 24 orë deri në përfundim! Regjistrohuni!

Të shkojmë për 40 mijë! Ndryshimi i nisur në Kosovë le të mbështetet dhe nga bashkëatdhetarët tanë!

#behundryshimi