Lionel Messi ka pranuar një ofertë të jashtëzakonshme nga bashkëlojtari ni tij te Argjentina dhe ylli i Aston Villas, Emiliano Martinez.

Portieri 30-vjeçar dhe shtatë herë fituesi i Topit të Artë fituan Kupën e Botës së bashku me Argjentinën në Katar në fund të vitit të kaluar.

Messi ishte golashënuesi më i mirë i ekipit në Katar, teksa udhëhoqi vendin e tij drejt trofeut për herë të tretë.

Dhe Martinez luajti një rol kyç në triumf pasi ai ishte heroi në gjuajtjet e penalltive dhe mori Dorezën e Artë për portierin më të mirë.

Tani Messi po peshon opsionet e tij ndërsa përgatitet të bëjë atë që mund të jetë lëvizja e fundit e karrierës së tij me klube.

Legjenda e Barcelonës është lidhur me një rikthim te gjiganti katalanas, megjithëse është e paqartë nëse ata do të jenë në gjendje të përballojnë pagën e tij.

Messi gjithashtu thuhet se ka marrë një ofertë fitimprurëse prej 400 milionë eurosh në vit nga skuadra e Arabisë Saudite, Al Hilal.

Por, Martinez ka ofruar uljen e pagës së tij në mënyrë që të sjellë bashkatdhetarin e tij në Midlands, përcjell telegrafi.

Ai tha për ESPN: “Nëse ata po shkojnë për Messin, unë do ta sillja këtu në Villa. Hej, njeri, ne do të pimë, ne hamë asados (mish të pjekur) çdo javë. Do të uli rrogën time, do të bëjmë më të mirën”.

Villa janë afër të kualifikohen në Ligën e Konferencës sezonin e ardhshëm pasi janë në vendin e shtatë në tabelën e Ligës Premier.

Por, një lëvizje për Messin mbetet një ëndërr disi fantastike pasi argjentinasi i afrohet fazave të fundit të karrierës së tij.

Komento:

	Komenti