Një tërmet i fuqishëm ka goditur Shqipërinë, si pasojë e të cilit pati një numër të madh të viktimave dhe të të lënduarve.

Anëtari i kryesisë së LDK-së, Arban Abrashi ka qenë sot atje në shenjë mbështetje, shkruan ORAinfo.

Ai së bashku me Kryetarin e rinisë së PD-së në Durrës, Ndrec Pjetri, kanë dhënë kontributin e tyre për të ndihmuar banorët e prekur nga tërmeti, të cilët do ta kalojnë natën jashtë.

Të pranishëm në këtë aksion kanë qenë edhe Policia e Kosovës.

” U ndjeva krenar kur në ato momente erdhën edhe pjestarët e Policisë së Kosovës, për të ndihmuar këto përpjekje”- ka shkruar Abrashi./ORAinfo/

Shikoni më poshtë postimin e tij të plotë:

Bashkë me Kryetarin e rinisë së PD-së në Durrës, Ndrec Pjetri, kontribuam në përpjekjet për të siguruar strehim e kushte për jetesë, banorëve të Durrësit, të prekur nga termeti, të cilët sonte natën do të kalojnë në qiell të hapur.

U ndjeva krenar kur në ato momente erdhën edhe pjestarët e Policisë së Kosovës, për të ndihmuar këto përpjekje.

Përndryshe, unë isha pjesëmarrës me një konferencë regjionale, e cila ndërpreu punimet, pas termetit tragjik në Shqipëri.

Ngjarjet si kjo, edhe njëherë na tregojnë për bashkëpunimin e solidarizimin mëse të nevojshëm mes dy vendeve.

Komento:

	Komenti