Edhe një grevë pritet të nis sot.

Qeveria e Kosovës ka kohë deri në mesditë që të kthejë për zyrtarët doganorë statusin e zyrtarit publik të uniformuar dhe të garantojë paprekshmërinë e pagave të tyre nga Ligji për Pagat.

Nëse këto dy kërkesa nuk plotësohen, Sindikata e Pavarur e Doganës së Kosovës ka paralajmëruar greva.

Zyrtarët e kësaj Sindikate thanë se krejt kjo është bërë për të mbrojtur pagat dhe statusin e mëhershëm të zyrtarëve të doganës, të cilin e kanë pasur deri më 29 janar të këtij viti, kur Komisioni për Administratë Publike ka amandamentuar Projektligjin për pagat e sektorit publik.

Ziavere Keqmezi, anëtare e Kryesisë dhe kryesuese e Këshillit Grevist, bëri të ditur se greva kishte e qenë e paraparë për ditën e djeshme, porse tha se kanë lënë hapësirë deri nesër për të parë nëse do të përfillen kërkesat e tyre.

Kryetari i kësaj Sindikate, Ali Vitija, tha se kërkojnë rangim të njëjtë me zyrtarët tjerë të sigurisë, sikurse janë Policia dhe AKI-ja.

Sipas tij, ndryshimi nga statusi i zyrtarit publik të informuar në shërbyes civil për zyrtarët e Doganës, bie në kundërshtim me Kushtetutën dhe me misionin e Doganës.

Komento:

	Komenti