Dy nga banorët më të komentuar të edicionit aktual të Big Brother VIP Kosova, Limi dhe Dolce, kanë tërhequr edhe një herë vëmendjen e publikut dhe të banorëve të tjerë brenda shtëpisë, pasi gjatë ditës së sotme janë parë sërish duke kaluar kohë së bashku.

Qëndrimi i tyre i afërt nuk ka kaluar pa u vënë re, sidomos duke pasur parasysh dinamikat e krijuara më herët mes tyre dhe marrëdhëniet që secili ka me banorët e tjerë.

Në një moment relaksi, ata dolën bashkë në oborrin e shtëpisë, ku atmosfera ishte e qetë dhe e shoqëruar me muzikën e zgjedhur nga “Vëllai i Madh”, e cila dukej se kishte krijuar një ambient të ngrohtë dhe çlodhës për banorët.

Në oborr ndodhej edhe Alba, e cila po shijonte muzikën dhe po qëndronte e qetë, pa ndërhyrë në bisedat e të tjerëve.

Megjithatë, situata ndryshoi menjëherë në çastin kur ajo vuri re praninë e Lim-it dhe Dolcës së bashku.

Reagimi i saj ishte i menjëhershëm dhe i papritur, pasi dukshëm u shtang nga ajo që pa.

Pa bërë asnjë koment dhe pa qëndruar më gjatë në oborr, Alba vendosi të largohej dhe hyri menjëherë brenda shtëpisë, duke lënë pas një moment që ngjalli kureshtje dhe pikëpyetje.

Ky veprim i saj u interpretua nga banorët dhe pritet të komentohet edhe nga publiku, duke qenë se çdo reagim dhe çdo lëvizje brenda shtëpisë së Big Brother VIP Kosova analizohet në detaje.

Afërsia mes Lim-it dhe Dolcës, si dhe reagimi i Albës, duket se po shton edhe më shumë tensionin dhe intrigën në lojë, duke lënë të hapur mundësinë për zhvillime të reja dhe përplasje emocionale në ditët në vijim./ORAinfo/

Komento:

	Komenti