Me 14 dhjetor të këtij viti, Kuvendi i Kosovës votoi për transformimin e FSK-së, duke bërë kështu ushtrinë më të re në botë.

E kjo padyshim se nuk u prit aspak mirë nga Serbia dhe jo vetëm.

Kryedilomati serb Ivica Daçiq tha sot se do të jetë e vështirë për ta ndryshuar qëndrimin e fuqive të mëdha rreth formimit të ushtrisë së Kosovës.

Megjithatë e konsideron të rëndësishme mbajtjen e seancës së Këshillit të Sigurimit të Kombeve të Bashkuara, ku siç thotë ai, ato do të dëgjojnë se “kjo është një shkelje e rezolutës 1244, i vetmi dokument i vlefshëm për Kosovën”.

“Është e rëndësishme që në seancën e Këshillit të Sigurimit të ndiqet presidenti Aleksandar Vuçiq”, tha Daçiq, duke shtuar se megjithatë nuk pret ndonjë vendim.

“Megjithatë, është e rëndësishme të dëgjohet zëri i Serbisë dhe të dënohen këta njerëz dhe aktivitetet e Prishtinës, një dekadë pas shpalljes së një anshme të pavarësisë”, tha Daçiqi, duke shtuar se pa mbështetjen ndërkombëtare Kosova nuk do të ekzistonte.

Ka akuzuar se në “Qeverinë e Kosovës ka njerëz të njohur për krime lufte”.

I pyetur rreth “ofertës së Brukselit” drejtuar Kosovës që të heqë taksën 100 për qind për mallra nga Serbia dhe Bosnjë e Hercegovina, në këmbim që Kosova të prezantohet në CEFTA si Kosovë*, dhe jo si UNMIK, Daçiq tha se kjo “është çështje për Prishtinën”.

“Ata që e kanë bërë këtë taksë duhet ta tërheqin, dhe le të lëvizin në këtë drejtim”, ka thënë Daçiq.

Komento:

	Komenti