Apel i drejtorisë, që administron Parkun Kombëtar “Bjeshkët e Nemuna”: T’i mbrojmë pyjet tona nga zjarri.

Pas zjarreve që kanë përfshirë malet e Bjeshkëve të Rugovës, të cilat fatmirësisht janë lokalizuar fal intervenimit të zjarrfikësve, KFOR-it, FSK-së dhe Policisë së Kosovës, drejtoria për Administrimin e Parkut Kombëtar “Bjeshkët e Nemuna” edhe me tej bën thirrje për kujdes dhe mbrojtje të pyjeve nga zjarret pas rastit në Bjeshkët e Shtupeqit – territor i Parkut Kombëtar “Bjeshkët e Nemuna”.

Agjencia për Mbrojtjen e Mjedisit të Kosovës ka publikuar apelin e Drejtorisë për Administrimin e Parkut Kombëtar “Bjeshkët e Nemuna”, përmes së cilit kërkohet kujdes dhe mbrojtje e pyjeve.

“Me këtë rast shprehim falënderim dhe mirënjohje për zjarrfikësit, Policinë e Kosovës dhe Forcën e Sigurisë së Kosovës të cilët edhe sot, në ditën e tretë të rastit, qe nga orët e hershme të mëngjesit kanë qenë në prezent në vendin e ngjarjes me numër të shtuar të pjesëtarëve të tyre”, thuhet në komunikatën e drejtorisë për Administrimin e Parkut Kombëtar “Bjeshkët e Nemuna”.

Më tej në komunikatë thuhet se falë angazhimit dhe ndihmës së tyre se bashku me stafin e DAPK “Bjeshkët e Nemuna” është arritur qe të menaxhohet situata dhe e cila tashmë është nën kontroll.

“Gjithashtu falënderojmë edhe KFOR-in, të cilët gjatë ditës se djeshme dhe sot kanë intervenuar nga ajri për shuarjen e zjarrit”.

Komento:

	Komenti