Përleshje në Prishtinë, dy persona bëhen për spital.

Dy persona kanë mbetur të lënduar në kryeqytet, ku njëri nga ta dyshohet që lëndimet t’i ketë marrë nga një mjet i mprehtë.

Lajmin e ka konfirmuar zëdhënësja e policisë për rajonin e Prishtinës, Flora Ahmeti.

“Sot rreth orës 13:00, kemi marrë informatën për një lëndim trupor të ndodhur në lagjen Bregu i Diellit, në Prishtinë. Bazuar në të dhënat fillestare, në këtë rast janë lënduar dy persona, njëri nga ta dyshohet të ketë pësuar lëndime nga një mjet i mprehtë”, është shprehur Ahmeti, njofton Klankosova.tv.

Tutje, Ahmeti bëri të ditur se personat e lënduar janë dërguar për trajtim mjekësor, ndërkohë që policia ka nisur hetimin në lidhje me rastin.

Komento:

	Komenti