Policia e Kosovës ka ndaluar dy persona në Mitrovicë të Veriut nën dyshimin se tentuan të bënin dallavere në testin për patentë shofer.

Siç ka njoftuar Policia, një person kishte tentuar të hynte në testin me shkrim në emër të një personi tjetër.  Të dyshuarit janë ndaluar për 48 orë.

“Pas veprimeve policore janë arrestuar të dyshuarit dhe janë sekuestruar prova materiale, përfshirë dy telefona celularë dhe 2,000 euro para të gatshme që ndërlidhen me rastin. Me vendim të prokurorit kujdestar, dy të dyshuar janë dërguar në ndalim policor për 48 orë, ndërsa një person tjetër është liruar në procedurë të rregullt”, ka njoftuar Policia e Kosovës.