Rasti i privimit nga jeta të ҫiftit nga Prizreni, ishte rasti që tronditi tërë vendin.

A.H, i dyshuar për privimin e prindërve arrestohet në Suedi.

Njohësit e drejtësisë thonë se Suedia mund të refuzojë ekstradimin e tij në Kosovë.

Një ҫift bashkëshortor u gjetën pa shenja jete në shtëpinë e tyre në lagjen Ortakoll të këtij qyteti.

E pas hetimeve të para, u ngritën dyshime se rastin e ka kryer i biri i tyre, 35 vjecari me inicialet A.H.

Por, ai ishte larguar nga Kosova.

E një ditë më parë u bë e ditur se i dyshuari është prangosur në Suedi.

Tani institucionet e drejtësisë janë duke përgatitur kërkesë për ekstradimin e tij në Kosovë.

Një gjë të tillë e ka konfirmuar Prokuroria Themelore në Prizren.

Njohësit e fushës së drejtësisë thonë se ky rast është më i komplikuar pasi personi në fjalë ka nënshtetësi suedeze.

Gëzim Shala, Instituti i Kosovës për Drejtësi, theksoi se ka raste kur shteti i Suedisë kishte refuzuar të ekstradojë persona në Kosovë.

E në raste të tilla, sipas Shalës, Kosova duhet ta transferojë gjithë rastin për hetim në autoritet Suedeze.

Por, dënimet në Kosovë dallojnë nga ato të Suedisë.

Përndryshe A.Hadri, 35 vjeç, është i dyshuar për privimin nga jeta të dy prindërve të tij, Durim dhe Suada Hadri.

Komento:

	Komenti