Toni Kroos mendon pensionimin, por në klub kanë plan tjetër

Real Madridi është duke bërë plane për sezonin e ardhshëm dhe Toni Kroos mund tua prish, pasi që ai po mendon t’i japë fund karrierës.

Të gjithë emrat e mëdhenj të Real Madridit po përpiqen ta bindin Kroosin që të mos tërhiqet dhe të qëndrojë në klub edhe për të paktën një vit.

Kroos mbërriti te Real Madridi nga Bayern Munich për vetëm 25 milionë euro dhe më pas u bë një nga lojtarët më të suksesshëm të klubit madrilen në histori.

Presidenti i Real Madridit, Florentino Perez e konsideron Kroosin si një nga blerjet e tij më të mira dhe është gati t’i ofrojë gjermanit shumë para për ta mbajtur atë.

Edhe trajneri i Real Madridit, Carlo Ancelotti është gjithashtu një faktor i rëndësishëm për të bindur Kroos që të vazhdojë të luajë. Pas ndeshjes ndaj Elchen, Ancelotti ka thënë se beson se Kroos do të qëndrojë.

“Kam biseduar me të, ai do të mendojë pas Botërorit. Unë personalisht mendoj se do të qëndrojë”, ka thënë Ancelotti.

E gjithë skuadra e Real Madridit mendon se Kroos është një lojtar i rëndësishëm dhe ata ia bëjnë të ditur këtë.

Komento:

	Komenti