Erling Braut Haaland është futbollisti që po kërkohet nga shumë skuadra të mëdha.

Nuk është për t’u habitur kur sheh një pjesë të madhe të klubeve evropiane të interesuar për nënshkrimin e tij.

Mbi të gjitha, sulmuesi i RB Salzburg ka qenë në formë të jashtëzakonshme këtë sezon.

Norvegjezi ka shënuar 28 gola në 22 paraqitje në të gjitha garat këtë sezon – përfshirë tetë në Ligën e Kampionëve, përcjell lajmi.

Por ai është lidhur me një largim nga Austria – me Borussia Dortmund që është një destinacion i mundshëm, si dhe rruga e mirëfilltë e largimit nga RB Salzburg për në RB Leipzig.

Sidoqoftë, po duket gjithnjë e më shumë e mundshme që Haaland të bashkohet me ish-menaxherin e tij te Molde, Ole Gunnar Solskjaer i cili tani drejton Manchester United.

The Sun po raporton se United është ‘afër’ për të siguruar një marrëveshje 76 milionë funte për sulmuesin, përpara se ta huazojë atë përsëri në Salzburg.

Dhe tani në rrjetet sociale po qarkullon një foto e tij, duke nënshkruar fanellën e Djajve të Kuq.

Komento:

	Komenti