Pagat do të dalin me rritje ashtu siç ishte paralajmëruar.

Ministria e Financave do të bëjë ekzekutimin e pagave të dhjetorit me rritje, për Sektorin Publik, ashtu siç është paraparë me Ligjin e ri të Pagave.

Këtë e ka konfirmuar Muharrem Shahini nga Zyra për Informim e kësaj Ministrie.

”Për zbatimin e Ligjit për pagat janë bërë përgatitjet për të filluar implementimi i tij në muajin dhjetor. Mjetet financiare janë në buxhet, masa e pagave e buxhetuar është më se e mjaftueshme për mbulimin e kësaj kostoje financiare”, ka thënë Shahini.

Nga kjo Ministri bëhet e ditur se përkundër që ky Ligj u dërgua në Gjykatën Kushtetuese javën që e lamë pas, kjo nuk do të ndikojë në ndryshim të tij deri në një vendim.

”Nëse Ligji për Pagat dërgohet në Gjykatën Kushtetuese, atëherë deri në marrjen e vendimit nga kjo Gjykatë Ligji aktual është në fuqi dhe nuk e pengon implementimin e tij, nga ana e Ministrisë së Financave”, ka thënë Shahini për klankosova.

Komento:

	Komenti