Prokuroria kërkon paraburgim për rreshterin e Policisë, i dyshuar për privim nga jetë e një personi në Suharekë.

Prokuroria Themelore e Prizrenit ka kërkuar nga Gjykata Themelore e Prizrenit që të caktojë paraburgimin ndaj zyrtarit policor Sh.S., për shkak të dyshimit se në rrugën e Reshtanit në Suharekë ai ka privuar nga jeta punëtorin e kazinosë, J.A, shkruan sot Koha Ditore.

Gjykata Themelore e Prizrenit ka konfirmuar se seanca për caktimin e masës së paraburgimit është caktuar që të mbahet gjatë ditës së martë.

Kryeprokurori i Prokurorisë Themelore të Prizrenit, Admir Shala ka shprehur qëndrimin se provat materiale të siguruara deri më tani kanë mjaftuar për të krijuar dyshimin e bazuar se i dyshuari ka kryer veprën penale të vra.sjes së rëndë, si dhe atë të armëmbajtjes pa leje.

“Besoj që në bazë të provave që i kemi, gjykata do të caktojë masën e paraburgimit, si masë e cila do të sigurojë praninë e të pandehurit në procedurë, dhe kështu do të mundësohet të zhvillohet një hetim pa ndërhyrje”, ka thënë Shala.

Komento:

	Komenti