Më 25 gusht Asociacioni i Komunave të Kosovës ka dërguar në Gjykatën Kushtetuese, Ligjin për Tatimin në Pronë.

Ky ligj parasheh faljen e 100 eurove të tatimit për qytetarët.

Dorëzimi i kërkesës për vlerësimin e ligjshmërisë së këtij ligji e bëri drejtori i AAK-së, Sazan Ibrahimi dhe kryetari i Prizrenit, Shaqir Totaj.

Kjo kërkesë është miratuar sot nga Gjykata Kushtetuese.

Gjykata ka bërë të ditur se ka miratuar kërkesën e Komunës së Prizrenit për masën e përkohshme lidhur me vlerësimin e kushtetutshmërisë së nenit 5 të Ligjit për Tatimin në Pronën e Paluajtshme i cili ka hyrë në fuqi më 16 gusht 2023.

Lidhur me këtë vendim, ka reaguar kryetari i komunës së Obiliqit, Xhafer Gashi, të cilët e kanë miratuar ditë më parë faljen e 100 eurove të tatimit në pronë.

Gashi ka thënë për Front Online se komuna e tij është prapa pas çdo vendimi të Gjykatës.

“Ne e kemi kuvendin dhe ekzekutivin në këtë rast kuvendi e ka aprovuar dhe e mbështetim vendimin e Kuvendit. Shpresoj që Gjykata del me një vendim përfundimtar dhe cili do të jetë ne jemi prapa vendimit të Gjykatës”, u shpreh Gashi.

Masa e përkohshme është miratuar nga Gjykata deri më 30 nëntor.

Komento:

	Komenti