Majlinda Kelmendi do të luftojë për medaljen e artë në Minsk, pasi është kualifikuar për në finale të Lojërave Olimpike Evropiane.

Kampionia olimpike e Kosovës, finalen e arriti pas fitores ndaj francezes Amandine Buchard në kategorinë deri në 52 kilogramë.

Majlinda këtë turne e nisi duke pushuar në rrethin e parë, ndërsa në sfidën e rrethit të dytë mposhti zviceranen Fabienne Kocher, në ‘Golden Score’.

Paraqitje shumë të mira 28 vjeçarja nga Kosova regjistrojë në çerekfinale, kur mposhti polaken Karolina Pienkowska.

Në sfidën për medaljen e artë, Majlinda Kelmendi do të përballet me fituesen e luftës mes polakes Agata Perenc dhe ruses Nataia Kuziutina.

Komento:

	Komenti