Një burrë ka pranuar fajësinë për vrasjen e nënës së tij, pasi e mbyti atë në dhomën e gjumit të banesës së tyre.

Richard Clayton, 45 vjeç, pranoi se vrau nënën e tij 74-vjeçare, Angela Clayton, dhe më pas telefonoi policinë për të raportuar vetë krimin.

Ngjarja ndodhi më 17 shkurt në shtëpinë e tyre në Newham, në lindje të Londrës, ku Clayton e kishte mbytur nënën e tij, raporton Metro.

Policia dhe shërbimi i ambulancës së Londrës mbërritën në vendngjarje rreth orës 12:48, ku e shpallën Angela Clayton të vdekur.

Pas arrestimit, Clayton ose nuk iu përgjigj pyetjeve gjatë intervistave me policinë, ose qëndroi i heshtur duke pretenduar se ishte në gjumë. Ai u akuzua për vrasje një ditë më pas.

Richard Clayton pritet të dënohet në gjykatën Old Bailey më 22 shtator.