Eden Hazard në MLS: A do të përshtatet?

E ardhmja e futbollistit belg është në ajër

Një nga emrat më të mëdhenj të futbollit që do ta përvojë fatin vitin e ardhshëm në MLS mund të jetë Eden Hazard. Sulmuesi i Real Madridit nuk është duke u përshtatur me kampionët e Europës, derisa ai ka vajtur për paraqitje të mira edhe me Kombëtaren e Belgjikës gjatë Botërorit në Katar.

Ai tani duhet të mendojë për të ardhmen e tij në nivel klubi pasi që vendosi të pensionohet nga karriera në Kombëtare dhe e ardhmja e tij është në një ligë të re.

MLS, një mundësi reale

“Nëse Real Madridi me thotë mua që të largohem në verë, do të pranoj. Në verë është e mundshme që të largohem, në dimër është e pamundshme”, kishte thënë ai në një intervistë të dhënë kohëve të fundit për Marca.

“Kam vetëm një vit kontratë dhe është vendim i klubit se si të ecim tutje”.

Nëse Los Los Blancos vendos për t’i dhënë fund aventurës së Hazardit në Spanjë, dera për të kaluar në Amerikë atij do t’i hapet.

MLS është duke u bërë një treg tërheqës për futbollistët, sidomos për ata të cilëve karriera po i shkon drejt fundit.

Sipas të gjitha gjasave, Eden Hazard nuk do të jetë më në gjendje të luajë në nivele të larta të futbollit, andaj kalimin në MLS e sheh si një sfidë të re që i lejon atij një fillim të ri duke bërë që t’i harrojë sa më shpejt vitet e fundit që pati në Real Madrid.

Një ligë në rritje

Gjithnjë e më shumë futbollistët po kërkojnë që ta provojnë fatin në Shtetet e bashkuara të Amerikës, dhe jo vetëm ata që janë në moshë të vjetër.

Shumë futbollistë të rinj e shohin MLS për ta zhvilluar karrierën e tyre. Këtu kemi rastin e Thiago Almada (argjentinasin i cili është në Botëror në Katar) apo Federico Bernardeschi (sulmuesin italian për të cilin janë të interesuara shumë skuadra në Europë). Natyrisht, veteranët e tjerë si; Gareth Bale, Lorenzo Insigne, Xherdan Shaqiri apo Giorgio Chiellini janë në ligën e Amerikës Veriore për t’i dhënë fund karrierës së tyre.

Hazard do të jetë një opsion tjetër shtesë, kjo është e sigurt pasi që epoka e tij si një futbollist i suksesshëm i Chelsea ka marrë fund dhe ai nuk duket se ka më aftësi të luajë si më parë në një skuadër në Europë. Por, është vendim i tij për të vendosur për një sfidë të re dhe MLS duket vendi i duhur për sulmuesin belg.

Komento:

	Komenti