Ekipi mbrojtës i Rexhep Selimit ka filluar ta marrë në pyetje dëshmitarin e 24-të në këtë çështje.
Ai po përgjigjet në pyetjet e avokatit Geoffrey Roberts, raporton Betimi për Drejtësi.
Dëshmitari e ka nisur dëshminë e tij dje, ndërkaq gjatë leximit të përmbledhjes së dëshmisë së tij nga ZPS u tha se ka qenë komandat i Ushtrisë Çlirimtare të Kosovës për një periudhë të caktuar kohore dhe se ishte edhe anëtar i Lidhjes Demokratike të Kosovës.
Seanca po vazhdon në sesion privat me kërkesën e avokatit Roberts, me arsyen për mbrojtjen e dëshmitarit.