Milan thuhet se është duke përgatitur një ofertë diku prej 35-40 milion euro për Lucas Torreira, por Arsenali kërkon 50 milionë euro.

Sipas Tuttosport, pronarët e Milanit, Elliot Management, janë të gatshëm të shpenzojnë në mes të 35-40 milionë eurove për Uruguajin dhe ta ribashkojnë atë me ish-trajnerin e Sampdoria Marco Giampaolo, i cili ka marrë skuadrën nga Gennaro Gattuso në San Siro, përcjell ORAinfo.

Megjithatë, La Gazzetta dello Sport njofton se pala e Premier Ligës dëshiron të paktën 50 milionë euro për lojtarin që kanë shpenzuar 30 milionë euro në verën e kaluar.

23-vjeçari ka luajtur 50 herë për klubin e Londrës këtë sezon, duke shënuar dy herë dhe duke ofruar dy asistime, dhe ishte instrumental në garën e Gunners në finalen e Europa League, ku ata humbën ndaj rivalëve vendas Chelsea.

Ndërkohë, Tuttosport gjithashtu raporton se Rossonerët do të ofrojnë një shumë të ngjashme për Dani Ceballos të Real Madridit, i cili aktualisht është në detyrë ndërkombëtare me skuadrën spanjolle U21 në Kampionatin Evropian.

Nëse kjo është një zgjedhje në mes të dy në të njëjtat shifra, atëherë Giampaolo do të preferonte Torreiran. /ORAinfo/

Komento:

	Komenti