AC Milan, do të sigurojë fonde shtesë nga transferimet e Lucas Paqueta dhe Jens Petter Hauge.

Paratë që do të riinvestohen në merkato. AC Milan ka konkurruar për Scudetton në dy sezonet e fundit, por menaxhmenti planifikon të përmirësojë skuadrën edhe më shumë këtë verë.

Milani duhet të jetë në gjendje të konkurrojë edhe në Champions League dhe për këtë arsye Elliott thuhet se i ka dhënë Maldinit 100 milionë euro për t’i shpenzuar për nënshkrimet e reja, përcjell ORAinfo.

Megjithatë, fonde shtesë duhet të jenë në dispozicion për Maldini dhe Massara.

Kjo për shkak se AC Milan pret të rrisë ndjeshëm buxhetin e verës nga transferimet eventuale të Jens Petter Hauge dhe Lucas Paqueta.

Hauge iu bashkua Eintracht Frankfurt në formë huazimi me detyrimin për ta bërë transferimin e përhershëm në fund të sezonit nëse gjermanët sigurojnë qëndrueshmërinë e tyre në Bundesligë.

Ata janë larg zonës së rënies dhe blerja e Hauge është thjesht një formalitet. AC Milan do të fitojë 12 milionë euro nga shitja e krahut të djathtë norvegjez, i cili ka shënuar tre gola dhe ka asistuar një në 22 paraqitje me Eintracht.

AC Milan bleu Jens Petter Hauge një vit më parë për më pak se 5 milionë euro. Ai bëri mirë në sezonin e tij të vetëm në San Siro, por Pioli preferoi lojtarë të tjerë në rolin e tij. Nga ana tjetër, Lucas Paqueta ka arritur të ringjallë karrierën e tij në Francë. Mesfushori sulmues i Lyonit ka shënuar 8 gola dhe ka asistuar 5 në 30 paraqitje me klubin e Ligue 1.

Forma e mirë e Lucas Paqueta ka tërhequr interesin e Paris Saint-Germain. AC Milan do të përfitojë 15-20% të tarifës së transferimit nga shitja e përfolur e Paqueta te PSG. Kjo do të ishte 10 milionë euro shtesë për kuqezinjtë. Në total, AC Milan mund të fitojë të paktën 20 milionë euro nga transferimet e Hauge dhe Paqueta./ORAinfo/

Komento:

	Komenti