Njerëzve nuk u jepet një zgjedhje për vaksinat.

Një dyqan pastiçerish hungareze ka hedhur në treg një varg muzash të ëmbla të emëruara në bazë të vaksinave COVID-19 si një antidot me zemër të lehtë ndaj ankthit mbi llojet e ndryshme të vaksinave dhe implikimet e marrjes së njërës apo tjetrës prej tyre.

Në pastiçerinë e familjes Sulyan në qytetin e vogël Veresegyhaz, në verilindje të Budapestit, zgjedhja është midis një ëmbëlsire me shtresa xhelatine shumëngjyrëshe, të paraqitura në gota të vogla, me shiringa dekorative sipër.

Çdo ngjyrë xhelatine përfaqëson një vaksinë të ndryshme COVID-19: e verdha e agrumit për AstraZeneca dhe një e verdhë pak më e errët për Sinopharm, jeshile për Pfizer, portokalli për Sputnik V dhe një blu e gjallë për Moderna shkruan Reuters
Këto oferta të ëmbla nga familja Sulyan vijnë në një kohë kur miliona hungarezë u kërkohet të kalojnë nëpër një proces regjistrimi për vaksinim, ndërsa debatojnë për meritat e vaksinave të ndryshme që po mbarten.

Njerëzve nuk u jepet një zgjedhje për vaksinat, por përkundrazi marrin cilindo që është në dispozicion nga mjeku i tyre familjar.

“Këtu njerëzit kanë një zgjedhje, nuk ka regjistrim, nuk ka efekte anësore,” tha Katalan Benko nga pastiçeria Sulyan, duke shtuar se qëllimi nuk ishte të bënte fushata pro ose kundër vaksinimit, ose në favor të ndonjë vaksine ose një tjetër.

“Çdokush mund t’i provojë këto pasi i vetmi efekt i mundshëm anësor do të ishte një buzëqeshje e vogël në fytyrën e tyre”, shtoi ajo. /Gazeta Shneta/

Komento:

	Komenti