Ish-banorja e “Big Brother VIP Kosova”, Bia Khalifa, ka tërhequr vëmendjen e ndjekësve me një video të publikuar së fundmi në TikTok, ku është shfaqur nga ambientet e një spitali.
Në pamjet e publikuara, Bia shihet me infuzion në dorë, ndërsa nuk ka dhënë shumë detaje rreth arsyes se përse ndodhet në spital. Pavarësisht situatës, ajo ka zgjedhur të jetë aktive në rrjetet sociale dhe të ndajë me ndjekësit një moment nga kjo periudhë.
Videoja ka nxitur reagime të ndryshme nga ndjekësit, të cilët kanë shprehur interes për gjendjen e saj. Mes komenteve, njëri prej tyre ka tërhequr veçanërisht vëmendjen, pasi një ndjekës i ka shkruar Bia Khalifas: “Je shtatzënë”.
Përgjigjja e saj ka qenë ajo që ka bërë që komenti të marrë edhe më shumë vëmendje. Bia i është përgjigjur me një shprehje që lë të kuptohet se një shtatzëni është një dëshirë që ajo shpreson ta realizojë në të ardhmen.
“Prej gojes tane n’vesh t’Zotit, ishalla një ditë”, ka shkruar ajo.
Me këtë përgjigje, Bia nuk ka konfirmuar se është shtatzënë, por përkundrazi ka lënë të kuptohet se të bëhet nënë është një dëshirë e saj për të ardhmen.
Komenti i saj ka ngjallur interes te ndjekësit, të cilët janë fokusuar më shumë te kjo deklaratë sesa te vetë pamjet nga spitali.
Ndërkohë, Bia ka vazhduar të mos japë detaje të tjera lidhur me gjendjen e saj shëndetësore apo arsyen e qëndrimit në spital. Ajo është mjaft aktive në rrjetet sociale, ku shpesh ndan momente nga përditshmëria dhe komunikon drejtpërdrejt me ndjekësit.
Kësaj radhe, një video e shkurtër nga spitali dhe një përgjigje e sinqertë ndaj një komenti kanë mjaftuar për të ngjallur kuriozitet.
Megjithatë, deri më tani, nuk ka asnjë konfirmim se Bia Khalifa është në pritje të ëmbël, ndërsa fjalët e saj sugjerojnë vetëm se ajo do të dëshironte që një ditë kjo dëshirë të bëhet realitet./ORAinfo/
21 °C
