Eurodeputetja holandeze kritikon BE-në për mosliberalizimin e vizave për Kosovën – Ora Info Ballina | ORAinfo.com - Nuk ndalet

Eurodeputetja holandeze kritikon BE-në për mosliberalizimin e vizave për Kosovën

23:44 | 23 Qershor 2022

BE nuk ka dhënë ndonjë sinjal për heqjen e vizave për Kosovën.

Eurodeputetja holandeze, Tineke Strik, është shprehur e zhgënjyer pse sot nuk pati pikënisje për liberalizimin e vizave për Kosovën në Samitin e BE-së.

Me anë të një postimi në Twitter, Strik ka uruar Ukrainën e Moldavinë që morën statusin e vendit kandidat për BE, por ka thënë se ky do të duhej të ishte momenti kur fillojnë negociatat me Maqedoninë e Veriut dhe Shqipërinë, si dhe i jepet liberalizimi i vizave Kosovës.

Ajo ka thënë gjithashtu se Ballkani Përëndimor do të duhej të afrohej më shumë me BE-në.

“Urime për qytetarët e Ukrainës dhe Moldavisë. Por ky moment duhet të ishte fillimi i negociatave me Maqedoninë e Veriut dhe Shqipërinë, liberalizimi i vizave për Kosovën dhe një perspektivë konkrete për Bosnje Hercegovinën. Qytetarët e Ballkanit Perëndimor meritojnë të afrohen”, ka shkruar ajo.

Komento: