UÇK-ja bën bashkë prapë Fatmir Limën e Haxhi Shalën.
Fatmir Limaj e Haxhi Shala ka disa muaj që i kanë thyer raportet e tyre. Dalja e Shalës nga Nisma dhe marrja e shumë anëtarëve të kësaj partie në AAK kanë bërë që raportet e tyre të bien në pikën zero.
Por, kur në pyetje është UÇK-ja, Limaj e Shala duket se janë prapë “dosta”. Lideri i Nismës i ka dalur në mbështetje deputetit Shala pas ftesës që ka marrë ky u fundit nga Gjykata Speciale.
“Lufta e popullit të Kosovës për liri ka qenë e drejtë dhe asnjë̈ gjykatë nuk mund ta njollos atë̈.
Ftesa për intervistë nga Gjykata Speciale për bashkëluftëtarin Haxhi Shala, është në vazhdën e ftesave të kësaj Gjykate për luftëtarët e lirisë̈. Por, ajo që duhet çmuar është se, ushtarët e UÇK-së asnjëherë nuk i kanë ikur ballafaqimit me drejtësinë sa herë që kjo i është kërkuar dhe do t’i përgjigjen çdo kërkese që vjen nga sistemi i drejtësisë.
Jam i bindur që edhe Haxhiu do ta kaloj me dinjitet këtë sfidë si gjithë bashkëluftëtarët tjerë”, ka shkruar Limaj në reagimin e tij.