Fëmijët e një fshatit të Prizrenit nuk kanë mësues, prandaj kanë mbetur pa shkuar në shkollë.

Një konkurs i hapur për edukatore është anuluar, fëmijët e Gorozhupit nuk ndjekin mësimin parafillor

Njëri në klasë të dytë e tjetri në të katërtën.

Por që të dy nxënësit e shkollës “Vëllezërit Frashëri” në Gorozhup të Prizrenit, mbajnë orët mësimore në të njëjtën klasë.

Të funksionuarit ndryshe nga bashkëmoshatarët e tyre,është kthyer në normalitet për ta.

Më shumë se njëzet e pesë kilometra larg qendrës së Prizrenit,nxënësit nga fshati Gorozhup nuk patën mundësi as të vijonin mësimin parafillor.

Por një konkurs i hapur për edukatore, ua shtoi shpresat banorëve se të paktën gjeneratat e ardhshme do ta kishin këtë mundësi.

Megjithatë ky konkurs u anulua.

Për prindërit kjo është një kërkesë elementare, që fëmijët e tyre të zhvillohen njëjtë si bashkëmoshatarët e tyre në zona të tjera.

Se është e nevojshme të kenë edukatore për arsimin parafillor, e konfirmoi edhe drejtori i shkollës.

Ndonëse këtë shqetësim ua kanë shfaqur disa herë edhe drejtorisë së arsimit, një zgjidhje për ta nuk ka ardhur akoma.

Nga ky institucion nuk iu përgjigjën as pyetjeve për arsyet e anulimit të konkursit.

Rritja e vijueshmërisë në arsimin parashkollor, është edhe një nga prioritet që i ishin caktuar Kosovës nga Bashkimi Evropian.

Gjithëpërfshirja dhe pjesëmarrja në edukimin parashkollor është një ndër objektivat kryesore të Planit Strategjik për Arsim në Kosovë 2017 – 2021.

Komento:

	Komenti