Si duket kanë filluar sërish përplasjet mes Pacollit dhe Hasanit.

Inati që ka nisur në vitin në vitin 2011 kur Gjykata Kushtetuese në krye me Enver Hasanin kishte gjetur që Behgjet Pacolli ishte zgjedhur me shkelje në krye të shtetit, po vazhdon ende.

Enver Hasani iu ka rikthyer konfliktit të vjetër duke thënë gjithcka kundër tij, se nuk është i denjë për të qenë ministër i jashtëm se ka bashkëpunuar me rusët se ka kapacitete të varfëra intelektuale.

Pacolli ka duruar një ditë dhe ka shpërthyer para pak minutash duke e quajtuar dhunues, gënjeshtar, shantazhues Hasanin.

Pak orë më parë, Leutrim Sahiti nga AKR, ka reaguar kundër Hasanit duke i kujtuar atij rastin e abuzimit me një studente.

Sahiti e ka quajtur abuzues seksual dhe njeri që po akuzohet për keqpërdorim të pozitës zyrtarë Hasanin. Si i tillë, sipas anëtarit të AKR’së, Enver Hasani nuk ka të drejtë të flas për Pacollin.

“I akuzuar e i dënuar për keqpërdorim të detyrës zyrtare, i akuzuar edhe për ngacmim seksual ndaj një studente. Ky njeri nuk ka të drejtë të flas për një njeri siç është z. Behgjet Pacolli”, ka shkruar ai.

Por tani duket se Pacollit nuk ka mundur të i durojë fyerjet e ish-kreut të Kushtetueses, dhe ka reaguar vetë.

Në një shkrim të gjatë, Pacolli, fillimisht ka kërkuar ndjesë për të gjithë miqtë e tij për gjuhën që do të përdorë, dhe menjëherë e ka emërtuar Hasanin me nofkën “hajn-uz”.

“Ti Hajn-uz, Enver, Hysen, Hasan apo si e ke emrin, mund lirisht të jetosh 3000 vjet, por kurrë nuk do ta arrish atë që kam arritur unë, në jetën time normale si në aspektin human ashtu dhe në atë profesional”, ka shkruar Behgjet Pacolli.

“Unë vij nga një familje fshatare bujare qe ka gjeneru, jo hajna por njerëz punëtorë, mikpritës krenarë e ti hajn-uz nuk je në lartësinë me e pergojuar atë!”

Tutje Pacolli ka përmendur arritjet e tij, duke cekur ndërtimet e tij në shumë qytete perëndimore, ndërsa për Hasanin ka thënë se origjina e puënve të tij është e dyshimtë. Pacolli pretendon se nuk ka abuzuar kurrë me ndonjë studente të tij, ndërkohë që i ka përmendur rastin e dhunimit të një studenteje për të cilën është akuzuar Hasani.

Ky është shkrimi i plotë i tij:

Ky postim permban pergjigjen time për njëfar Hajn-uzi, e juve, miqve të mi ju kërkoj ndjesë

Ti Hajn-uz, Enver, Hysen, Hasan apo si e ke emrin, mund lirisht të jetosh 3000 vjet, por kurrë nuk do ta arrish atë që kam arritur unë, në jetën time normale si në aspektin human ashtu dhe në atë profesional.

Ty, hajn-uz dhe ideve tuaja ju vjen erë e keqe ndaj duhesh te pastrohesh per te mos ndotur shoqerine! Shko e shperlahu nga kjo erë e padurueshme para se me permend emrin tim apo familjen time.E din ti çka po mendoj, Hajn-uz! Por, pastrohu poashtu edhe nga proceset e shumta gjyqesore e nga akuzat për damet qe ja ke bërë kësaj shoqerije.

Une vij nga një familje fshatare bujare qe ka gjeneru, jo hajna por njerez punëtorë, mikpritës krenarë e ti hajn-uz nuk je në lartësinë me e pergojuar atë!

Ti Hajn-uz, asgje nuk ke bë për shoqërinë e shtetin e Kosovës pos hajnive, shantazheve, dhunimeve e genjeshtrave.

… E unë… unë me punë kam mundësuar qe familja ime të kapercejë ku e ku nivelin e ashtuquajtur familjes intelektuale të sojit tend e të cilën, ti Hajn-uz e e perfaqson.

Arritjet e mia i kam mundësuar me pune mu në qendër të kryeqyteteve perëndimore. Ndërsa për ty Hajn-uz Enver dhe Hasan dihet se origjina e arritjeve tua ngjan e dyshimtë dhe sigurisht me prejardhje lindore, (megjithë respektin per Lindjen).

Une nuk kam abuzuar me ndonjë studente time, ndërsa për ty, hajn-uz, Enver,Hasan apo Hysen flitet se i ke dhunuar ato. Nga ana tjetër ti hajn-uz nuk ke dhënë kontribut për këtë shtet (gjithmonë nëse nuk llogarisim kontributin tënd negativ si fabrikues diplomash doktorësh te rrejshem).

E unë… une te paktën 5000 paga mujore (mos me i permend tjerat) për popullin tim, që nga fillimi i vitit 1990 e këndej e tani edhe nga mbi 15.000!

Ti e quan te turpshme pergjigjen time ironike ndaj Brnabiqit ( ironi të cilën kurrë nuk e ke kuptuar) apo shtrëngimin e dorës me Presidentin Trump!Ti Hajn-uz e ëndërron atë kurse unë e bëj.

Ti Hajn-uz, Enver dhe Hasan thuaj çka të dush por veprat e mia, dëshmitë e mia profesionale dhe akademike në krejt globin, tregojnë se modestisht jam më i ditur, më i ndershëm, me i shkolluar e më puntor e human se ti!

Tani ti Hajn-uz beso ç’ të dush, shih endrra e mendo si të më ofendosh edhe më tutje por unë sot (nuk po tregoj më tepër se çfarë … je), por po udhtoj drejt Londrës për të darkuar me një person të rêndësishem e kthehem për desert me miqtë e mi në Hajvali.

Komento:

	Komenti