Fillon ceremonia e varrimit të Arianit, mijëra qytetar po marrin pjesë – Ora Info Ballina | ORAinfo.com - Nuk ndalet

Fillon ceremonia e varrimit të Arianit, mijëra qytetar po marrin pjesë

13:11 | 27 Janar 2019

Tashmë ka filluar ceremonia e varrimit të djalit të Nexhat Dacit, Arianit.

Ai humbi jetën të shtunën si pasojë e një orteku në Brezovicë. Sot gjatë ditës janë mbajtur homazhe dhe mbledhje komemorative për të nderuar Dacin
Ceremonia e varrimi të Dacit po bëhet në varrezat e kryeqytetit në Arbëri.

Dacin sot e kanë nderuar krerët më të lartë të shtetit si dhe dhjetëra qytetarë të cilët kanë bërë homazhe në hollin e Kuvendit të Kosovës e po ashtu morën pjesë në mbledhjen komemorative të mbajtur në Teatrin Kombëtar.

Arian Daci, 40-vjeçar, djali i vetëm i Kryetarit të Akademisë së Shkencave dhe Arteve të Kosovës, ka vdekur të shtunën në Brezovicë, pas një incidenti që kishte pasur me një ortek bore, gjatë skijimit atje. Ai la pas vetës gruan dhe dy fëmijë.

Ariani ishte i apasionuar pas skijimit derisa ishte pjesë e organizimeve të tilla në këtë fushë. Daci ishte Zëvendësministër i Ministrisë së Diasporës dhe Investimeve Strategjike derisa pas vetes ka lënë dy fëmijë.

Bashkë me Arianin në Brezovicë me rastin e aksidentit ishte me Ardian Bakallin, i cili ka shpëtuar. Për shkak të hetimeve që po zhvillohen në Brezovicë, për dy ditë, është mbyllur pista e skijimit.

Komento: