Barcelona e ka mposhtur me rezultat 0-4 Cadizin në shtëpi të vet duke vazhduar kështu formën e tyre të mirë.

Kjo është fitorja e 5-të e Barcelonës nga gjashtë ndeshjes, teksa Robert Lewandowki (65’) shënoi përsëri në këtë ndeshje edhe pse nuk startoi në këtë ndeshje.

De Jong (55’) ishte realizatori i golit të parë të Barçës, kurse Lewandowski asistoi edhe në golin e Fati (86’). Dembele (90+1) shënoi golin e fundit

Barcelona po vazhdon formën e mirë me fitore. Blaugrana sonte arriti fitoren e tyre të 5-të në La Liga, nga gjashtë ndeshje sa kanë luajtur në sezonin e ri.

Minuta e 10-të e pjesës së parë shënoi rastin e parë në këtë ndeshje. Raphinha i Barcelonës mori një top të mirë në zonë, goditi por topi përfundoi shumë afër shtyllës së djathtë të portës.

Pjesa e parë nuk krijoi më raste të mira për shënim as nga njëra skuadër as nga tjetra.

Barcelona ishte një skuadër tjetër në pjesën e dytë.

De Jong do ta shfrytëzonte shumë mirë një devijim të topit për ta zhbllokuar këtë sfidë në minutën e 55-të të ndeshjes.

Pas kësaj, në ndeshje do të futej Robert Lewandowski në minutën e 57-të të ndeshjes në vend të Memphis Depay.

Pikërisht polaku do të shënonte gol në minutën 65-të të ndeshjes duke e shfrytëzuar një tollovi në zonë, duke shënuar kështu 8 gola në gjashtë ndeshje të La Ligës.

Ndeshja nga këtu shkonte gjithçka në të mirë të Barcelonës deri në minutën e 81-të të ndeshjes, ku ajo u ndërpre për 45 minuta.

Për një moment mjekët e të dy klubeve kanë shkuar në një zonë të stadiumit ku një tifozë ka pësuar si

Mjekët e të dy klubeve dhe një kirurg është parë duke shkuar në tribuna për t’i dhënë ndihmën e parë një tifozi në moshë që ishte i shoqëruar nga vajza e tij, e cila po ashtu kishte pasur asfiksi pas atakut në zemër të babasë së saj.

Mediat në Spanjë kanë shkruar së tifozi ka puls dhe është përcjell për në spital të Cadizit që është shumë afër stadiumit Nuevo Mirandillo.

Pas vazhdimit Barcelona shënoi edhe dy gola.

Fillimisht shënoi Ansu Fati. Robert Lewandowski kreu shumicën e punës këtu për të asistuar për Fatin, që nuk e pati problem ta plasonte topin në rrjetë në minutën e 86-të.

Dembele do ta shënonte golin e fundit në këtë ndeshje në minutën e parë shtesë të takimit, e ku ai bëri një goditje që përfundon në rrjetën e Ledesmas.

Barcelona kështu kalon në vendin e parë me 13 pikë në La Liga, teksa Cadiz ende mbetet pa fitore nga pesë ndeshje të luajtura.

Në xhiron e gjashtë Barcelona do të luan kundër Elches në Camp Nou, kurse Cadiz do të jetë mysafirë i Real Valladolid.

Komento:

	Komenti