Liverpooli u rikthye sot te fitorja në Premierligë.

Skuadra e drejtuar nga Jurgen Klopp shënoi fitore në derbin e javës së 11-të, kundër Manchester Cityt – shkruan Express.

Ndeshja e zhvilluar në “Anfield Road” përfundoi me rezultatin 1:0.

Jurgen Klopp u shpreh i lumtur për fitoren dhe paraqitjen e futbollistëve të tij.

“Rezultati është perfekt. Loja është shumë e mirë, intensiteti ishte i mrekullueshëm. Ne u mbrojtëm në një nivel tepër të lartë të ndeshjes. Kundërshtari kishte raste, por sidomos në zonën tonë të penalltisë ishim shumë të mirë”, tha ai.

“Ky rezultat është shumë i rëndësishëm për ne. Man City nuk ishte në gjendje të krijonte kundërsulme, ndërsa ne kishim tre situata të tilla. Situata me golin ishte një veprim fantastik nga Alisson dhe një i mrekullueshëm nga Salah. Ai mund të mos shënojë një herë, por nuk do të humbasë dy radhazi”, shtoi trajneri gjerman.

“Gjithçka përcaktohet nga golat, por ka pasur shumë momente të mira futbolli në këtë ndeshje kundër, do të thosha, skuadrës më të mirë në botë”, deklaroi Klopp.

Liverpooli renditet i teti në tabelë me 13 pikë, dhjetë më pak se Manchester City që është i dyti.

Komento:

	Komenti