Paralajmërimi i Vuçiqit për luftë, flasin nga BE-ja.

Bashkimi Evropian nuk ka pranuar që të japë ndonjë koment të drejtpërdrejtë lidhur me deklaratat e djeshme të presidentit të Serbisë, Aleksander Vuçiq, se në të ardhmen mund të ketë një konflikt Kosovë-Serbi njëjtë siç po ndodh në Karabak mes Armenisë dhe Azerbajxhanit. Zëdhënësi i BE’së Peter Stano ka thënë se Brukseli në mënyrë të vazhdueshme ka bërë thirrje për Serbinë, Kosovën dhe gjithë rajonin që të kontribuojnë në stabilitet.

Krerët më të lartë të institucioneve të Republikës së Kosovës kanë bërë thirrje që Bashkimi Evropian dhe NATO të reagojnë pas deklaratave të presidentit të Serbisë, Aleksander Vuçiq, se një ‘konflikt i ngrirë’ mes Kosovës dhe Serbisë mund të eskalojë njëjtë siç ka ndodhur mes Azerbejxhanit dhe Armenisë. Një krahasim i tillë i Vuçiq nga Prishtina zyrtare është parë si një kërcenim me luftë për rajonin.

Lidhur me deklaratat e kreut të shtetit serb, Gazeta Express ka dërguar pyetje në adresë të Brukselit zyrtar. Zëdhënësi i BE’së për Politikë të Jashtme dhe Siguri, Peter Stano, ka thënë se Bashkimi Evropian në mënyrë të vazhdueshme u ka bërë thirrje liderëve politik në Serbi dhe Kosovë që të kontribuojnë në një atmosferë që është në favor të stabilitetit të rajonit.

Derisa s’ka pranuar që të japë ndonjë koment të drejtpërdrejtë lidhur me ato që ka thënë presidenti serb rreth ‘konfliktit të ngrirë’ Kosovë-Serbi dhe paralajmërimeve për eskalim të mundshëm të situatës.

“Ne nuk komentojmë për raportime të mediave apo në deklaratat e të tjerëve kur interpretojnë qëndrimet e të tjerëve. Si parim, ne gjithmonë kemi bërë thirrje për aktorët politik në Serbi, Kosovë dhe në të gjithë regjionin që të promovojnë një atmosferë të favorshme për stabilitet dhe bashkëpunim”, ka thënë Stano për Gazetën Express.

Kryeministri i Kosovës, Avdullah Hoti, dje ka bërë thirrje që NATO dhe BE të reagojnë pas deklarimeve të Vuçiq.

Kërkesë të njëjtë ka pasur edhe kryetarja e Kuvendit dhe ushtruesja e detyrës së presidentit, Vjosa Osmani.

Pa reaguar s’ka qëndruar as kryediplomatja kosovare, Meliza-Haradnaj-Stublla, e cila madje e ka quajtur Vuçiqin “këlysh të Rusisë”.

Komento:

	Komenti