Trajneri i Milanit, Stefano Pioli, ka të ngjarë të bëjë një sërë ndryshimesh në formacionin fillestar që do të përballet me Monzën, krahasuar me skuadrën që mundi Hellas Veronën.

Sipas edicionit të mëngjesit të sotëm të La Gazzetta dello Sport, Pioli pritet të ndryshojë mbrojtjen përballë Ciprian Tatarusanu me Sergino Destin që të startojë në krahun e djathtë dhe Pierre Kalulu të kthehet në qendërmbrojtës, së bashku me Fikayo Tomori dhe Theo Hernandez, përcjell ORAinfo

Sandro Tonali ka të ngjarë të pushojë dhe kështu Tommaso Pobega duhet të jetë partner Ismael Bennacer në pivotin e dyfishtë pasi algjeriani nuk e nisi në fitoren në Bentegodi të dielën mbrëma.

Do të ketë ndryshime edhe në sulm me Junior Messias që pritet të startojë në krahun e djathtë, Brahim Diaz si playmaker dhe Ante Rebic në të majtë pas qendërsulmuesit Divock Origi, i cili do të bënte fillimin e tij të parë.

Formacioni i mundshëm i Milanit (4-2-3-1): Tatarusanu; Dest, Kalulu, Tomori, Theo Hernandez; Benncer, Pobega; Messias, Brahim Diaz, Rebic; Giroud.

Formacioni i mundshëm i Monza (3-4-2-1): Di Gregorio; Marlon, Mari, Caldirola; Ciurria, Barberis, Sensi, Carlos Augusto; Pessina, Caprari; Gytkjaer. /ORAinfo/

Komento:

	Komenti