Shoqata e të Drejtave të Pacientëve në Kosovë ka reaguar pas skandalit që ndodhi në Spitalin e Pejës, ku një foshnje e vdekur ishte futur në lavatriçe bashkë me çarçafët.
Kjo shoqatë ka kërkuar nga menaxhmenti i Spitalit të Pejës dhe i SHSKUK-së që të marrin përgjegjësi për këtë rast.
“Rasti i fëmiut me autizëm në Gjilan, rasti i vrasjes së gruas dhe fëmiut të saj të palindur në QKUK, rasti i foshnjes në Spitalin e Pejës, janë pasoja të një politike të papërgjegjshme të ndjekur tash e 20 vite e cila po bëhet edhe më e pa përgjegjshme këto ditë, e nëse nuk ka një reformë rrënjësore këto raste do të përsëriten”, thuhet në komunikatë.
Komunikata e plotë:
Shoqata e të Drejtave të Pacientëve në Kosovë me shqetësim të madh e ka pranuar lajmin për skandalin me foshnjen në Spitalin e Pejës!
Ky lajm, përveç se është tronditës edhe njëherë shpërfaqë papërgjegjësinë e një pjese të stafit shëndetësor dhe sistemin e brisht shëndetësor që ka vendi!
Rasti i fëmiut me autizëm në Gjilan, rasti i vrasjes së gruas dhe fëmiut të saj të palindur në QKUK, rasti i foshnjes në Spitalin e Pejës, janë pasoja të një politike të papërgjegjshme të ndjekur tash e 20 vite e cila po bëhet edhe më e pa përgjegjshme këto ditë, e nëse nuk ka një reformë rrënjësore këto raste do të përsëriten.
Kërkojmë nga Institucionet përgjegjëse të marrin masa të menjëhershme ndaj personave të përfshirë në rast dhe personave të cilët kanë tentuar ta fshehin këtë rast.
Gjithashtu, kërkojmë nga menaxhmenti i SP Pejë dhe ai i SHSKUK-së të marrin përgjegjësi për këtë rast skandaloz që ka ndodhur. Përgjegjshmëria dhe llogaridhënja ndaj publikut shkon përtej obligimeve ligjore.
-1 °C
