Gara e parë ndërkombëtare e vrapimit malor në Kosovë “Gërmia Ultra Trail” – Ora Info Ballina | ORAinfo.com - Nuk ndalet
Lajmet e fundit
0 °C

Gara e parë ndërkombëtare e vrapimit malor në Kosovë “Gërmia Ultra Trail”

14:41 | 23 Maj 2019

Regjistrimet janë hapur për garën e parë ndërkombëtare të vrapimit malor në Kosovë!

Gërmia Ultra Trail organizohet nga KTRA (Asociacioni Kosovës për Vrapim Malor – Kosova Trail Running Association) dhe është i pari i këtij niveli në Kosovë.

Gërmia Ultra Trail do të mbahet në dy distanca, 51km dhe 27km.

Ky aktivitetet një ditor është i mbështetur nga Komuna e Prishtinës dhe njëherit është i përfshirë në agjendën e ngjarjeve të Komunës së Prishtinës 20|20 me rastin e 20 vjetorit të çlirimit të Prishtinës.

Ky aktivitet do t’iu mundësojë të kalohet nëpër malet e bukura të Parkut të Gërmisë, Parkun e Arinjve dhe Liqenin e Badofcit duke parë kështu fshehtësitë e mahnitshme të cilat kjo zone i ofron.

Aktiviteti synon të promovojë vrapimin malor dhe të ndikojë në rritjen e turizmit në Kosovë duke shtuar edhe një arsye turistike për të vizituar Kosovën si dhe të inkjurajojë pjesëmarrjen në gara të ngjashme ndërkombëtare.

Për këtë arsye, KTRA ka punuar që kjo garë të jetë e pranuar ndërkombëtarisht.

Për përfundimin e sukseshëm të garës, pjesëmarrësit do të marrin pikë të pranuara ndërkombëtarisht të cilat sigurojnë parakushte për të marrë pjesë në garën e famshme të Ultra Trail du Mont Blanc.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!