Gennaro Gattuso nuk do të jetë më trajner i Valencias.

Klubi spanjoll ka njoftuar zyrtarisht këtë të hënë për shkëputjen e kontratës me trajnerin italian.

Valencia bëri të ditur se shkëputja e kontratës është bërë me marrëveshje të dyanshme.

Gjithashtu u bë e ditur se skuadra në vazhdim do të udhëhiqet nga Voro Gonzalez, derisa të vendoset për trajnerin e ri.

Gattuso e mori drejtimin e Valencias në fillim të këtij sezoni, por nuk ia doli të regjistronte rezultate pozitive.

45-vjeçari e drejtoi skuadrën në 22 ndeshje në total në të gjitha garat, teksa regjistroi shtatë fitore, pesë barazime dhe dhjetë humbje.

Në La Liga, Valencia renditet në pozitën e 14-të me 20 pikë të grumbulluara pas 18 ndeshjeve.

Komento:

	Komenti