Milan ka një interes konkret për nënshkrimin e Evan Ndicka nga Eintracht Frankfurt dhe bisedimet janë duke u zhvilluar.
Gazetari Ulrika Sickenberger e Bild foli për MilanNews në lidhje me interesin e kuqezinjve për nënshkrimin e Ndicka dhe ajo konfirmoi se është ‘konkret’ dhe se ‘tashmë ka pasur kontakte mes dy klubeve’, përcjell ORAinfo.
Milani ‘ka informuar Frankfurtin për interesimin e tyre’ për mbrojtësin 22-vjeçar, por duhet theksuar se ‘nuk ka nisur ende një negociatë’.
Për ta lënë atë të largohet këtë verë, Sickenberger beson se Eintracht ‘do të donte një shumë prej më shumë se 20 milionë euro’.
Një lëvizje te kuqezinjtë ‘mund të jetë një opsion interesant’ për qendërmbrojtësin, por varet gjithashtu nga sa fiton ai për sa i përket pagës.
Supozimi deri më tani ka qenë se ambicia kryesore e Ndickës ‘ishte një ditë të luante në Angli në Premier League’.
Në fund, gazetari dha një pasqyrë se çfarë lojtari është Ndicka: “Ai është një mbrojtës i shkëlqyer, i fortë në duele, i talentuar me teknikë të shkëlqyer, inteligjent në lojë, i shpejtë. Ai është gjithashtu i përfshirë në sulm dhe tashmë ka shumë përvojë ndërkombëtare, pavarësisht se është vetëm 22 vjeç”. /ORAinfo/
-4 °C
