Gazetari ka shkruar se Liman Musliu kishte qenë pjesëtar i Njësisë Speciale të UÇK-së, pastaj në TMK, e deri pardje në FSK.

E për këtë rast të rëndë, Lani pati disa fjalë edhe për Kryeministrin e Kosovës, Albin Kurtin.

Postimi i plotë:

Ndoshta kryeministri i Kosovës, ndodhet në diasporë per t’i njoftuar mërgimtarët se sa shumë është “zhvilluar” Kosova në këto katër vjet të qeverisjes së tij e mbase per t’ju treguar se sa të dinjitetshme janë pagat në FSK.

Pasi ka kriju një distancë të madhe me realitetin, tregoni dikush që një ish pjesëtar i Njësisë Speciale të UÇK-së, TMK-së e deri dje pjesë e FSK-së ka vdekur duke rënë nga kati i dhjetë i një objekti në Prishtinë tek po punonte në ndërtimtari pas orarit zyrtar të punës që t ‘arrij ta mbaj familjen e tij.

Liman Musliu, lum Kosova që pati e mjer Kosova që s’bëri asgjë për ty e shokët e tu