Giroud do rinovojë kontratën me Milanin pas Botërorit

Sulmuesi i Milanit, Olivier Giroud do vazhdojë edhe më gjatë bashkëpunimin me ‘Rossonerët’.

36 vjeçari ka qenë një pjesë e rëndësishme e skuadrës së Stefano Piolit këtë sezon, duke gjetur rrjetën në ndeshjet kyçe për të siguruar pikë jetike për ‘kuqezinjtë’ ndërsa punojnë për të mbrojtur titullin.

Giroud ka shënuar tetë gola dhe ka dhënë katër asistime në 17 paraqitje në Serie A dhe Ligën e Kampionëve këtë sezon.

Siç raportohet nga ‘La Gazzetta dello Sport’, kontrata aktuale e Giroud skadon në vitin 2023, por të gjitha marrëveshjet përkatëse janë në fuqi për të zgjatur qëndrimin e tij me Milanin për një vit tjetër, duke shtyrë afatin deri në qershor 2024, transmeton lajmi.

Sulmuesi francez do ta vendosë këtë marrëveshje të re pas Kupës së Botës në Katar, i lumtur në klub dhe duke dashur të vazhdojë për një të ardhme të parashikueshme.

Giroud ka shënuar 22 gola në 55 ndeshje për Milanin që kur mbërriti në korrik 2021.

Komento:

	Komenti