Gjermania shtrëngon masat për ata që nuk janë vaksinuar.

Gjermania ka shtrënguar masat në kohën e pandemisë, duke i thënë stop testeve falas për të pavaksinuarit.

Është ky njoftimi i ministrit gjerman të Shëndetësisë, Jens Spahn, që zgjedh një linjë të ashpër kundër atyre që refuzojnë dozat anti-Covid dhe synon të ndalojë mbulimin e kostove të testeve të shpejta kundër Covid-19 për ta.

Sipas Bild, kjo do të ndodhë kur të gjithë të kenë mundësi të vaksinohen me përforcuesin e dytë, domethënë në fund të shtatorit ose fillim të tetorit.

Ndryshimi i ritmit do të shërbente për nxitjen e vaksinimeve. Që nga marsi, qytetarët gjermanë dhe banorët e Gjermanisë kanë mundur të marrin teste të shpejta të koronavirusit në farmaci dhe qendra speciale në të gjithë vendin.

Testet janë gjithashtu një pjesë thelbësore e strategjisë së rihapjes së Gjermanisë. Ata që nuk mund të tregojnë prova se janë vaksinuar plotësisht ose janë shëruar nga Covid duhet të paraqesin një test negativ për aktivitete të caktuara, përfshirë ngrënien brenda në restorante ose qëndrimin në hotel.

Mbi 61% e popullsisë gjermane ka marrë të paktën një dozë të vaksinës dhe 52% janë plotësisht të vaksinuar.

Berlin, pas miratimit të planit të studimit, do të rekomandojë përdorimin e vaksinës anti-Covid për të gjithë fëmijët midis moshave 12 dhe 17 vjeç.

Kjo është ajo që del nga një projekt-rezolutë në funksion të takimit të ministrave të Shëndetësisë së Landeve, të cilët gjithashtu synojnë të ofrojnë nxitës të dozës së tretë të vaksinave për qytetarët me rrezik të lartë duke filluar nga shtatori.

Drafti i Ministrisë së Shëndetësisë, i marrë nga agjencia gjermane e lajmeve Dpa dhe raportuar nga Bild, thotë se të gjithë Landet do të fillojnë të ofrojnë takime në qendrat e vaksinimit për të rinjtë.

Agjencia Evropiane e Barnave (EMA) miratoi vaksinën e BioNTech-Pfizer midis moshës 12 dhe 15 vjeç në maj dhe Moderna në korrik. Komisioni Gjerman i Vaksinave deri më tani kishte rekomanduar vaksinën vetëm për të rinjtë me rrezik të lartë nën 18 vjeç, duke përmendur mungesën e të dhënave të sigurisë së vaksinave për këtë grupmoshë.

Ndërkohë, Gjermania do të ofrojë dozën e tretë të vaksinës për të moshuarit dhe pacientët në rrezik duke filluar nga 1 shtatori i ardhshëm, siç raportohet nga agjencia France Presse, duke cituar burime të qeverisë gjermane.

Komento:

	Komenti